വെള്ളിയാഴ്ച അതിരാവിലെ മാതൃഭൂമി ദിനപത്രം എടുത്ത് നിവര്‍ത്തിയപ്പോള്‍ നിറഞ്ഞുനിന്നത് എം.പി വീരേന്ദ്രകുമാര്‍ ആയിരുന്നു. ഞെട്ടലോടെയും വേദനയോടെയും ഓര്‍ത്തത് ഇരുപത്തിരണ്ട് വര്‍ഷം മുമ്പുള്ള മറ്റൊരു രംഗമാണ്.
എ.കെ.ജി സെന്ററില്‍ നിന്നാരംഭിച്ച ഇ.എം.എസിന്റെ അന്ത്യയാത്ര ശാന്തികവാടത്തിലേക്ക് പോകും വഴി ദര്‍ബാര്‍ ഹാളില്‍ പൊതുദര്‍ശനത്തിനു വെച്ചിരുന്നു. രണ്ടാമത് ഒരിക്കല്‍കൂടി ആ മുഖമൊന്ന് കാണാന്‍ ദര്‍ബാര്‍ ഹാളിന് മുന്നിലെ പുരുഷാരത്തിനിടയിലൂടെ കടന്ന് മടങ്ങുകയായിരുന്നു. അപ്പോഴാണ് ഏതാനും അനുയായികള്‍ക്കൊപ്പം എം.പി വീരേന്ദ്രകുമാര്‍ മുമ്പില്‍.
”ഇ.എം.എസ് പോയല്ലോ.”